Dollar-cost averaging, skammstafað DCA, felst í því að kaupa fyrir sömu fjárhæð með jöfnu millibili, óháð verðinu. Þú kaupir til dæmis rafmynt fyrir 10.000 krónur fyrsta hvers mánaðar, í stað þess að kaupa fyrir 120.000 krónur í einu. Markmiðið er að dreifa kaupunum yfir tíma og þurfa ekki að giska á rétta augnablikið.
Hvernig virkar DCA?
Þegar verðið er lágt færðu fleiri einingar fyrir upphæðina. Þegar það er hátt færðu færri. Meðalverðið sem þú greiðir jafnast því út.
Dæmi: Þú kaupir fyrir 10.000 krónur þrjá mánuði í röð. Fyrsta mánuðinn kostar einingin 1.000 krónur, annan mánuðinn 500 krónur og þann þriðja 800 krónur. Þú færð 10 + 20 + 12,5 = 42,5 einingar fyrir 30.000 krónur. Meðalverðið þitt er um 706 krónur á einingu, lægra en meðaltal verðanna þriggja, sem er um 767 krónur.
DCA fer oft saman við HODLHODLSlangur fyrir að halda í rafmyntina sína til langs tíma og selja ekki þótt verðið sveiflist., það er að kaupa til að eiga til langs tíma.
Kostir og takmarkanir
Helsti kosturinn er að DCA dregur úr áhrifum sveiflnaSveiflurMælikvarði á hve mikið og hve hratt verð eignar hækkar og lækkar. og tilfinninga. Þú kaupir eftir áætlun, ekki vegna FOMOFOMOÓttinn við að missa af (e. fear of missing out), sem fær fólk til að kaupa í flýti þegar verð hækkar hratt, oft nálægt toppnum. eða ótta. Sama hugsun býr að baki reglulegum sparnaði, til dæmis viðbótarlífeyrissparnaði.
DCA tryggir þó ekki hagnað. Ef verðið lækkar til lengri tíma tapar þú samt. Ef verðið hækkar jafnt og þétt hefði verið hagstæðara að kaupa allt í byrjun. Athugaðu líka hvort föst gjöld fylgi hverjum kaupum, því þá verða litlar upphæðir hlutfallslega dýrar.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.