DAO (e. decentralised autonomous organisation) er samtök sem lúta reglum í snjallsamningumSnjallsamningurForrit á bálkakeðju sem keyrir sjálfkrafa þegar tiltekin skilyrði eru uppfyllt og gerir nákvæmlega það sem það var forritað til að gera. á bálkakeðju. Í stað stjórnar og forstjóra greiða meðlimirnir atkvæði um ákvarðanir, og sameiginlegur sjóður samtakanna verður ekki hreyfður nema atkvæðagreiðsla leyfi það. Á íslensku mætti tala um dreifstýrð sjálfstæð samtök.
Hvernig virkar DAO?
Oftast fylgir atkvæðisrétturinn stjórnunartókaStjórnunartókiTóki sem veitir atkvæðisrétt um reglur og sjóði DeFi-þjónustu. Hann er ekki hlutabréf og veitir hvorki eignarhlut né rétt til arðs.: því fleiri tóka sem þú átt, því meira vegur atkvæðið þitt. Ferlið er yfirleitt á þessa leið:
- Einhver leggur fram tillögu og hún er rædd á opnu umræðusvæði.
- Könnun utan bálkakeðjunnar sýnir hvort tillagan njóti stuðnings.
- Formleg atkvæðagreiðsla fer fram á bálkakeðjunni.
- Ef nógu margir taka þátt og meirihluti samþykkir framkvæmir snjallsamningur breytinguna sjálfkrafa, eftir stuttan biðtíma.
Aave DAO er dæmi. Eigendur AAVE-tóka kjósa þar meðal annars um hvaða rafmyntir má nota sem veð, um áhættustillingar og um það hvernig sjóðum Aave er varið. Atkvæðagreiðslan á bálkakeðjunni stendur í þrjá daga og samþykktar breytingar taka gildi að loknum eins eða sjö daga biðtíma, eftir eðli þeirra.
The DAO árið 2016
Ein fyrstu samtökin af þessu tagi hétu einfaldlega The DAO. Þau áttu að fjárfesta í nýjum verkefnum eftir atkvæðum þeirra sem lögðu fé í sjóðinn. Í júní 2016 nýtti árásaraðili sér villu í kóðanum og tók út yfir 3,6 milljónir ETH. Til að endurheimta féð var reglum Ethereum breytt 20. júlí 2016. Hluti samfélagsins hafnaði breytingunni. Við þessa kvíslunKvíslunBreyting á reglum bálkakeðju; ef ekki allar nóður fylgja breytingunni getur keðjan kvíslast í tvær aðskildar keðjur með sína myntina hvor. klofnaði keðjan í tvennt, og gamla keðjan lifir áfram undir nafninu Ethereum Classic.
Lagaleg staða
Lagaleg staða DAO er óljós í mörgum löndum. Sums staðar, til dæmis í Wyoming-fylki í Bandaríkjunum, hafa verið sett lög sem leyfa slíkum samtökum að skrá sig sem félag. Árið 2023 komst bandarískur dómstóll að því að draga mætti Ooki DAO til ábyrgðar fyrir lögbrot eins og hvern annan aðila.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.