Aðgreining eigna (e. segregation of client assets) þýðir að fyrirtæki sem geymir eignir fyrir viðskiptavini heldur þeim aðskildum frá sínum eigin. Eignirnar tilheyra viðskiptavinunum, ekki fyrirtækinu, og ef það fer í þrot geta lánardrottnar þess ekki gengið að þeim. Reglan er gömul í verðbréfaviðskiptum og gildir nú líka um rafmyntir.
Hvað krefst MiCA?
Samkvæmt MiCAMiCAReglugerð ESB um markaði fyrir sýndareignir, sem gildir á Íslandi frá 1. janúar 2026 og setur sömu reglur um rafmyntaþjónustu um allt EES., sem hefur gilt á Íslandi frá 1. janúar 2026, þurfa þjónustuveitendur sýndareignaCASP (þjónustuveitandi sýndareigna)Fyrirtæki með starfsleyfi samkvæmt MiCA til að veita þjónustu með sýndareignir, til dæmis kaup, sölu, vörslu eða millifærslur. að:
- gera ráðstafanir til að vernda eignarrétt viðskiptavina, ekki síst ef fyrirtækið verður gjaldþrota, og nota ekki eignir þeirra í eigin þágu
- halda sýndareignum sem þeir geyma fyrir viðskiptavini aðskildum frá eigin eignum, bæði lagalega og á bálkakeðjunni, svo lánardrottnar geti ekki gengið að þeim
- halda skrá yfir hvað hver viðskiptavinur á
Aðgreining og sameiginleg veski
Aðgreining þýðir ekki endilega að hver viðskiptavinur hafi eigið veskisfang. Algengt er að eignir margra viðskiptavina séu geymdar í sameiginlegum veskjum (e. omnibus wallets), aðskildum frá eignum fyrirtækisins, og að nákvæm skrá sé haldin yfir hvað hver og einn á. Það sem skiptir máli er að alltaf sé ljóst hverjum eignirnar tilheyra.
Af hverju skiptir hún máli?
Þegar FTX hrundi árið 2022 kom í ljós að eignum viðskiptavina hafði verið blandað saman við eignir tengds fyrirtækis og þær notaðar í eigin þágu. Þegar lánafyrirtækið Celsius fór í þrot sama ár úrskurðaði bandarískur dómstóll að eignir á svokölluðum Earn-reikningum tilheyrðu þrotabúinu, því viðskiptavinir höfðu framselt eignarréttinn í skilmálunum. Í báðum tilvikum stóðu viðskiptavinir uppi sem kröfuhafar, ekki eigendur.
Hjá Myntkaup eru eignir viðskiptavina lagalega aðskildar frá eignum félagsins og varðar fyrir kröfum lánardrottna ef það yrði gjaldþrota. Lestu nánar á síðunni Starfsleyfi og öryggi.
Aðgreining ver hvorki gegn verðfalli né gegn því að eignir séu teknar í heimildarleysi. Hún er ein vörn af mörgum gegn mótaðilaáhættuMótaðilaáhættaHættan á að sá sem þú átt viðskipti við, eða treystir fyrir eignum þínum, standi ekki við sitt, til dæmis vegna gjaldþrots eða svika..
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 2. nóvember 2026.