Staðfesting (e. confirmation) segir til um hversu djúpt færslaFærslaSkráning á því að rafmynt flyst af einu veskisfangi á annað, undirrituð með einkalykli sendandans og geymd varanlega í bálkakeðjunni. er grafin í bálkakeðjunniBálkakeðjaOpin færsluskrá þar sem færslur eru geymdar í bálkum og hver bálkur vísar í þann á undan, svo ekki er hægt að breyta eldri færslum án þess að það sjáist.. Þegar færslan lendir í bálkiBálkurHópur færslna sem bætist við bálkakeðjuna í einu lagi, ásamt tilvísun í bálkinn á undan. hefur hún eina staðfestingu. Hver nýr bálkur sem bætist ofan á bætir einni staðfestingu við.
Af hverju að bíða eftir fleiri staðfestingum?
Nýjasti bálkurinn er ekki alveg öruggur. Stundum finna tveir námuvinnsluaðilar bálk nánast samtímis, og þá getur annar bálkurinn dottið út þegar netið sammælist um lengri keðjuna. Færslurnar í bálkinum sem datt út fara þá aftur í biðröðina.
Því fleiri bálkar sem eru ofan á færslunni þinni, því ólíklegra er að henni verði breytt. Til þess þyrfti að endurgera alla þá bálka og fara fram úr öllum hinum á netinu, sem verður nánast ómögulegt eftir nokkra bálka. Þetta er eins og kvittun sem fær nýjan stimpil á tíu mínútna fresti.
Hversu margar staðfestingar duga?
Það fer eftir netinu og upphæðinni:
- Bitcoin: Nýr bálkur verður til á um tíu mínútna fresti. Sex staðfestingar, um klukkustund, eru algengt viðmið fyrir háar upphæðir.
- Ethereum: Bálkar koma á 12 sekúndna fresti, og eftir um 15 mínútur telst færsla endanleg (e. finalised).
Hver þjónusta ákveður hve margar staðfestingar hún bíður eftir áður en innborgun birtist. Þú getur fylgst með fjöldanum í bálkakönnuðiBálkakönnuðurVefsíða þar sem hver sem er getur flett upp færslum, veskisföngum og bálkum á bálkakeðju..
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.