Dreifstýrð kauphöll (e. decentralised exchange, DEX) er forrit á bálkakeðju þar sem fólk skiptir einni rafmynt í aðra. Ekkert fyrirtæki tekur við peningunum þínum eða geymir þá. Þú tengir eigið veski og viðskiptin fara fram beint á bálkakeðjunni. Dreifstýrðar kauphallir eru hluti af DeFiDeFi (dreifstýrð fjármál)Fjármálaþjónusta, eins og lán, sparnaður og viðskipti, sem keyrir á snjallsamningum á bálkakeðju í stað banka eða annarra milliliða., dreifstýrðri fjármálaþjónustu.
Hvernig virkar dreifstýrð kauphöll?
Í stað fyrirtækis sjá snjallsamningarSnjallsamningurForrit á bálkakeðju sem keyrir sjálfkrafa þegar tiltekin skilyrði eru uppfyllt og gerir nákvæmlega það sem það var forritað til að gera. um viðskiptin. Flestar dreifstýrðar kauphallir nota sameiginlega sjóðiLiquidity poolSameiginlegur sjóður tóka í snjallsamningi sem fólk á viðskipti við í dreifstýrðum kauphöllum. Þeir sem leggja í hann fá hlut af þóknunum. (e. liquidity pools) sem aðrir notendur leggja rafmyntir í. Þegar þú skiptir, til dæmis ether í USDC, setur þú ether í sjóðinn og tekur USDC úr honum. Verðið ræðst af hlutfallinu milli myntanna í sjóðnum. Uniswap á Ethereum er þekkt dæmi.
Þú greiðir færslugjaldFærslugjaldGjald sem greitt er rafmyntaneti fyrir að taka færslu með í bálk, en ekki banka eða fyrirtæki. til netkerfisins og yfirleitt líka þóknun sem rennur til þeirra sem lögðu rafmynt í sjóðinn.
Kostir og áhætta
Rafmyntin er geymd í þínu eigin veski, svo enginn milliliður getur fryst hana eða tapað henni í gjaldþroti. Á móti kemur að ábyrgðin er öll þín. Ef þú tengir veskið við falskan vef eða samþykkir ranga færslu getur enginn bakfært hana.
Hver sem er getur búið til tóka og sett hann í sölu á dreifstýrðri kauphöll. Þar er því mikið um svik, til dæmis rug pullRug pullSvik þar sem aðstandendur nýs tóka eða rafmyntaverkefnis safna fé frá kaupendum og hverfa síðan með það, svo tókinn verður verðlaus.. MiCA nær ekki yfir þjónustu sem er veitt á fullkomlega dreifstýrðan hátt án milliliðar, svo þar nýtur þú ekki sömu verndar og hjá þjónustu með starfsleyfi.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.