Skuldsetning

Hvernig virkar skuldsetning?

Margar erlendar kauphallirMiðlæg kauphöll (CEX)Rafmyntamiðlun sem fyrirtæki rekur, þar sem fyrirtækið sér um viðskiptin og geymir rafmyntina fyrir viðskiptavini sína. bjóða upp á skuldsett viðskipti, oft með afleiðusamningum (e. futures). Þú leggur fram tryggingu og kauphöllin lánar þér afganginn.

Dæmi með 100.000 krónum og tífaldri skuldsetningu:

• Ef verðið hækkar um 10% hagnast þú um 100.000 krónur. Framlagið tvöfaldast.
• Ef verðið lækkar um 10% tapar þú 100.000 krónum. Allt framlagið er farið.

Í raun gerist það fyrr. Þegar tryggingin er nær uppurin lokar kauphöllin stöðunni sjálfkrafa. Það kallast þvinguð salaÞvinguð salaÞegar veð er selt sjálfkrafa upp í skuld, eða skuldsettri stöðu lokað, af því að veðið eða tryggingin dugar ekki lengur. (e. liquidation), og þá er peningurinn tapaður jafnvel þótt verðið hækki aftur skömmu síðar.

Það er líka skuldsetning að taka lán, til dæmis yfirdrátt eða neyslulán, til að kaupa rafmynt. Lánið þarf að greiða til baka með vöxtum, hvað sem verður um verðið.

Áhættan

Verð rafmynta getur breyst um 10% eða meira á einum degi, svo há skuldsetning getur þurrkað út stöðu á nokkrum klukkustundum. SveiflurnarSveiflurMælikvarði á hve mikið og hve hratt verð eignar hækkar og lækkar. gera skuldsett viðskipti með rafmyntir sérstaklega áhættusöm.

Flestir tapa á slíkum viðskiptum. Þegar evrópska verðbréfamarkaðseftirlitið ESMA kannaði skuldsetta afleiðusamninga (CFD) árið 2018 kom í ljós að 74-89% reikninga almennra fjárfesta töpuðu að jafnaði peningum. Skuldsett viðskipti eru líka algeng beita í fjárfestingasvikumFjárfestingasvikSvik þar sem lofað er miklum og öruggum hagnaði af fjárfestingu, oft í rafmynt, en svikahrappar taka einfaldlega peningana sem lagðir eru inn. sem lofa skjótum gróða. Freistingin er oft mest þegar FOMOFOMOÓttinn við að missa af (e. fear of missing out), sem fær fólk til að kaupa í flýti þegar verð hækkar hratt, oft nálægt toppnum. grípur fólk, en þá er hættan líka mest.