Fjárfestingasvik (e. investment scam) eru svik þar sem þér er lofaður mikill hagnaður af fjárfestingu sem er ekki til. Peningarnir sem þú leggur inn fara beint til svikahrappanna. Rafmyntir koma oft við sögu, því erfitt er að rekja rafmyntafærslur og ná fénu aftur.
Hvernig fara fjárfestingasvik fram?
Svikin hefjast oft á auglýsingu á samfélagsmiðlum, stundum með fölsuðum meðmælum frá þekktu fólki. Þegar þú sýnir áhuga hringir vingjarnlegur „ráðgjafi“. Þú byrjar á lítilli upphæð og ráðgjafinn sýnir þér hagnað á vefsíðu sem lítur fagmannlega út. Síðan er þrýst á þig að leggja meira inn.
Þegar þú reynir að taka út kemur alltaf eitthvað upp á: fyrst þarf að greiða skatt, gjald eða „tryggingu“. Að lokum hverfa bæði ráðgjafinn og vefsíðan. Fjárfestingasvik eru líka stundum hluti af ástarsvikumÁstarsvikSvik þar sem svikahrappur byggir upp ástarsamband á netinu, oft mánuðum saman, til að fá fórnarlambið til að senda peninga eða rafmynt..
Varúðarmerki
Lögreglan nefnir meðal annars:
- loforð sem hljóma of vel til að vera sönn
- beiðni um að halda viðskiptunum leyndum
- beiðni um að greiða inn á mismunandi bankareikninga
- fjárfestingu sem þú skilur ekki
- beiðni um að setja upp forrit eins og AnyDesk, sem veitir aðgang að tölvunni þinni
Kannaðu líka hvort fyrirtækið sé með starfsleyfi. Fyrirtæki sem býður rafmyntaþjónustu á Íslandi þarf starfsleyfi sem þjónustuveitandi sýndareigna (CASPCASP (þjónustuveitandi sýndareigna)Fyrirtæki með starfsleyfi samkvæmt MiCA til að veita þjónustu með sýndareignir, til dæmis kaup, sölu, vörslu eða millifærslur.) samkvæmt MiCAMiCAReglugerð ESB um markaði fyrir sýndareignir, sem gildir á Íslandi frá 1. janúar 2026 og setur sömu reglur um rafmyntaþjónustu um allt EES..
Hvað gerir þú?
Ef þú hefur lagt inn peninga skaltu strax hafa samband við bankann þinn. Því fyrr sem þú bregst við, því meiri líkur eru á að hægt sé að stöðva greiðsluna, en rafmyntafærslur verða ekki afturkallaðar. Tilkynntu svo málið til lögreglu á Ísland.is. Varastu þá sem bjóðast til að endurheimta peningana gegn gjaldi, því slík tilboð eru oft líka svik.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.