Snjallsamningur (e. smart contract) er forrit sem er geymt á bálkakeðjuBálkakeðjaOpin færsluskrá þar sem færslur eru geymdar í bálkum og hver bálkur vísar í þann á undan, svo ekki er hægt að breyta eldri færslum án þess að það sjáist. og keyrir sjálfkrafa þegar ákveðin skilyrði eru uppfyllt. Hann fylgir einfaldri reglu: ef þetta gerist, þá gerist hitt. Enginn milliliður þarf að túlka samninginn eða framfylgja honum.
Hvernig virkar snjallsamningur?
Besta líkingin er sjálfsali. Þú velur vöru, borgar rétta upphæð og færð vöruna. Ekkert afgreiðslufólk kemur nálægt, og ef þú borgar of lítið færðu ekkert. Snjallsamningur virkar eins, nema hvað hann getur haldið utan um peninga, tókaTókiStafræn eign sem er búin til með snjallsamningi á bálkakeðju annarrar rafmyntar, í stað þess að hafa eigin bálkakeðju. og nánast hvað sem er.
Hugtakið á rætur að rekja til Nicks Szabo, sem skrifaði um það árið 1994. Það varð þó ekki að veruleika fyrr en EthereumEthereumOpin bálkakeðja sem getur keyrt forrit og snjallsamninga, með eigin rafmynt sem heitir ether (ETH). fór í gang árið 2015. Nú keyra snjallsamningar á mörgum netum, og á þeim byggja meðal annars DeFiDeFi (dreifstýrð fjármál)Fjármálaþjónusta, eins og lán, sparnaður og viðskipti, sem keyrir á snjallsamningum á bálkakeðju í stað banka eða annarra milliliða.-þjónustur og stöðugleikamyntir.
Hvað er gott að vita?
Kóði snjallsamnings er yfirleitt opinn, svo hver sem er getur lesið hann. Þegar samningurinn er kominn á bálkakeðjuna er ekki hægt að breyta honum. Það er bæði styrkur og veikleiki: reglurnar haldast óbreyttar, en villur verða heldur ekki lagaðar.
Árið 2016 nýtti árásaraðili sér villu í snjallsamningnum The DAO og tók út meira en 3,6 milljónir ETH. Atvikið leiddi til þess að Ethereum klofnaði í tvö netKvíslunBreyting á reglum bálkakeðju; ef ekki allar nóður fylgja breytingunni getur keðjan kvíslast í tvær aðskildar keðjur með sína myntina hvor.. Áður en þú notar snjallsamning er því gott að vita hver bjó hann til og hvort hann hafi verið yfirfarinn af óháðum aðilum.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.