Hvað er USDC?

Hver gefur út USDC?

Circle er bandarískt fjártæknifyrirtæki. Það setti USDC á markað árið 2018 í samstarfi við rafmyntamiðlunina Coinbase, í gegnum sameiginlegt félag sem hét Centre. Í ágúst 2023 var Centre lagt niður og síðan hefur Circle eitt séð um útgáfu og stjórnun USDC. Hlutabréf Circle hafa verið skráð í kauphöllinni í New York frá júní 2025.

Í Evrópu gefur dótturfélag Circle í París USDC út. Það fékk starfsleyfi sem rafeyrisfyrirtæki hjá franska fjármálaeftirlitinu ACPR og hefur gefið USDC út samkvæmt MiCAMiCAReglugerð ESB um markaði fyrir sýndareignir, sem gildir á Íslandi frá 1. janúar 2026 og setur sömu reglur um rafmyntaþjónustu um allt EES. frá 1. júlí 2024. Samkvæmt MiCA er USDC rafeyristókiRafeyristóki (EMT)Stöðugleikamynt sem fylgir einum opinberum gjaldmiðli, til dæmis dal eða evru. Samkvæmt MiCA mega aðeins bankar og rafeyrisfyrirtæki gefa hana út., það er stöðugleikamynt sem fylgir einum opinberum gjaldmiðli. Um rafeyristóka gilda strangar reglur, til dæmis um varasjóð og innlausn á nafnverði.

Í Bandaríkjunum voru sérstök lög um stöðugleikamyntir, svonefnd GENIUS-lög, undirrituð í júlí 2025. Þau setja útgefendum eins og Circle reglur um varasjóð og eftirlit.

Til hvers er USDC notað?

USDC er í raun stafrænn dollari sem hægt er að senda á bálkakeðjuBálkakeðjaOpin færsluskrá þar sem færslur eru geymdar í bálkum og hver bálkur vísar í þann á undan, svo ekki er hægt að breyta eldri færslum án þess að það sjáist. hvert sem er, hvenær sólarhrings sem er. Circle gefur USDC út á tugum netkerfaNetkerfiBálkakeðjan sem rafmynt eða tóki er skráð á og send um, til dæmis Bitcoin-netið eða Ethereum-netið., til dæmis Ethereum og Solana. Helstu notin eru þessi:

• Viðskipti með rafmyntir. Rafmyntamiðlanir nota USDC sem stöðuga einingu til að kaupa og selja aðrar rafmyntir og til að geyma fé á milli viðskipta.
• Greiðslur og millifærslur. Fyrirtæki og einstaklingar nota USDC til að senda dollara á milli landa. Færslan tekur oft aðeins sekúndur eða mínútur, líka um helgar.
• DeFi. USDC er mikið notað í DeFiDeFi (dreifstýrð fjármál)Fjármálaþjónusta, eins og lán, sparnaður og viðskipti, sem keyrir á snjallsamningum á bálkakeðju í stað banka eða annarra milliliða., fjármálaþjónustu sem keyrir á snjallsamningumSnjallsamningurForrit á bálkakeðju sem keyrir sjálfkrafa þegar tiltekin skilyrði eru uppfyllt og gerir nákvæmlega það sem það var forritað til að gera. án milliliða. Þar er það til dæmis lagt fram sem veðVeðEign sem lögð er fram til tryggingar fyrir láni. Í DeFi þarf veðið yfirleitt að vera meira virði en lánið. fyrir lánum eða sett í sjóði sem kallast liquidity poolLiquidity poolSameiginlegur sjóður tóka í snjallsamningi sem fólk á viðskipti við í dreifstýrðum kauphöllum. Þeir sem leggja í hann fá hlut af þóknunum. og gera fólki kleift að skipta á milli tóka.

Hvernig virkar USDC?

Útgáfa og innlausn

Þegar fyrirtæki leggur dollara inn hjá Circle býr Circle til jafn mörg ný USDC. Þegar fyrirtæki skilar USDC er myntunum eytt og dollararnir greiddir út. Þannig á fjöldi USDC í umferð alltaf að svara til eignanna í varasjóðnum.

Einstaklingar eiga yfirleitt ekki bein viðskipti við Circle, því innlausnarþjónusta fyrirtækisins er aðeins í boði fyrir fyrirtæki og stofnanir. Þeir kaupa og selja USDC í staðinn hjá rafmyntamiðlunumRafmyntamiðlunFyrirtæki eða vettvangur þar sem þú kaupir, selur og skiptir rafmyntum, til dæmis fyrir krónur..

Þetta minnir á miða í fatahengi. Miðinn sjálfur er bara pappír, en hann veitir þér rétt til að fá frakkann sem einhver annar geymir. USDC er því jafn traust og fatahengið: eignirnar og fyrirtækið sem geymir þær.

Varasjóðurinn

Meirihluti varasjóðsins er í Circle Reserve Fund, peningamarkaðssjóði sem er skráður hjá bandaríska verðbréfaeftirlitinu (SEC) og eignastýringarfyrirtækið BlackRock stýrir. Í sjóðnum eru einkum skammtímaskuldabréf bandaríska ríkisins og reiðufé. Afgangurinn er reiðufé á bankareikningum, að mestu í stórum bönkum.

Circle birtir samsetningu varasjóðsins á vef sínum. Eitt af fjórum stærstu endurskoðunarfyrirtækjum heims staðfestir stöðu hans í hverjum mánuði, og skýrslurnar eru birtar opinberlega.

Mars 2023: þegar USDC missti tenginguna

Föstudaginn 10. mars 2023 féll bandaríski bankinn Silicon Valley Bank. Þar sátu 3,3 milljarðar dala af varasjóði USDC fastir, um 8% af heildinni. Yfir helgina lá innlausn hjá Circle að mestu niðri, og á markaði fór verð USDC niður í 86 sent.

Sunnudagskvöldið 12. mars tilkynntu bandaríska fjármálaráðuneytið, Seðlabanki Bandaríkjanna og innstæðutryggingasjóðurinn FDIC að innstæðueigendur bankans fengju allt sitt fé. Verðið tók strax við sér, og mánudaginn 13. mars var USDC aftur komið í einn dollara þegar Circle hóf innlausn á ný. Fram á miðvikudag innleysti Circle USDC fyrir 3,8 milljarða dala.

Lærdómurinn er sá að varasjóðurinn var til staðar, en hluti hans var tímabundið óaðgengilegur. Jafnvel vel tryggð stöðugleikamynt er háð bönkunum sem geyma eignirnar.

Hver er áhættan?

USDC sveiflast ekki eins og bitcoin, en það er ekki áhættulaust:

• Útgefandaáhætta. USDC er krafa á Circle, ekki innstæða í banka, og engin innstæðutrygging fylgir því.
• Tengingin getur rofnað. Circle ábyrgist ekki að eitt USDC sé alltaf metið á einn dollara á öllum markaðstorgum. Í mars 2023 féll verðið tímabundið niður í 86 sent.
• Circle getur fryst USDC. Circle áskilur sér rétt til að loka á tiltekin veskisföngVeskisfangRuna af bókstöfum og tölustöfum sem þú gefur upp til að taka á móti rafmynt, svipað og reikningsnúmer í banka., til dæmis að kröfu yfirvalda, og frysta USDC sem þar er. Árið 2022 frysti Circle til dæmis USDC á veskisföngum sem tengdust Tornado Cash, þjónustu sem bandarísk stjórnvöld höfðu þá sett á refsiaðgerðalista. Þetta er grundvallarmunur á USDC og bitcoin, því bitcoin í eigin vörsluEigin varslaÞegar þú geymir einkalyklana að rafmyntinni þinni í eigin veski, svo enginn annar ræður yfir henni en ábyrgðin á lyklunum er öll þín. getur enginn fryst.

USDC hjá Myntkaupum

USDC er grunngjaldmiðill reikninga hjá Myntkaupum. Það virkar svona:

1. Þú millifærir krónur af bankareikningi. Þeim er sjálfkrafa breytt í USDC á almennu sölugengi Arion banka fyrir Bandaríkjadal, án álags. Um helgar og á frídögum er notað gengi síðasta bankadags.
2. Þú kaupir rafmyntir fyrir USDC, og þegar þú selur rafmynt færðu USDC. Það getur þú geymt, notað til að kaupa aftur eða tekið út.
3. Þegar þú tekur út á íslenskan bankareikning er USDC breytt í krónur á almennu kaupgengi Arion banka, án álags.

Ekki er hægt að leggja USDC inn eða taka það út á bálkakeðju hjá Myntkaupum. Upplýsingar um gjöld eru á síðunni Kostnaður og gengi USDC í krónum á verðsíðu USDC.

Hafðu í huga að USDC er stöðugt í dollurum, ekki í krónum. Á meðan þú átt USDC breytist virði þess í krónum með gengi dalsins.

Lokaorð

USDC er stafrænn dollari sem Circle gefur út, með reiðufé og skammtímaskuldabréf bandaríska ríkisins að baki. Það er ein mest notaða stöðugleikamynt heims, í viðskiptum, greiðslum og DeFi, og innan EES fellur það undir strangar reglur MiCA um rafeyristóka.

Mundu að USDC fylgir dollaranum, ekki krónunni, svo virði þess í krónum breytist með gengi dalsins. Lestu meira um MiCA og hvað það þýðir fyrir þig.