Einkalykill (e. private key) er löng, leynileg tala sem veitir aðgang að rafmynt. Hann virkar eins og lykill að bankahólfi: sá sem hefur lykilinn getur tekið það sem í hólfinu er.
Hvernig virkar einkalykill?
Hvert rafmyntaveskiRafmyntaveskiForrit eða tæki sem geymir lyklana að rafmyntinni þinni, svo þú getir tekið á móti henni, haldið utan um hana og sent hana. byggir á lyklapari. Einkalykillinn er leyndarmálið þitt. Út frá honum er reiknaður dreifilykillDreifilykillOpinber lykill, reiknaður út frá einkalyklinum, sem óhætt er að deila og aðrir nota til að staðfesta undirskriftir þínar., og út frá dreifilyklinum er búið til veskisfangiðVeskisfangRuna af bókstöfum og tölustöfum sem þú gefur upp til að taka á móti rafmynt, svipað og reikningsnúmer í banka. sem þú gefur öðrum þegar þeir senda þér rafmynt.
Þegar þú sendir rafmynt undirritar veskið færsluna með einkalyklinum. Allir á netinu geta staðfest að undirskriftin sé rétt, án þess að sjá sjálfan lykilinn. Þetta byggir á dulritunDulritunStærðfræðilegar aðferðir sem vernda upplýsingar og sanna hver sendi þær, og eru undirstaðan að öryggi rafmynta..
Einkalykill lítur til dæmis svona út, sem 64 stafa runa:
e9873d79c6d87dc0fb6a5778633389f4453213303da61f20bd67fc233aa33262
Flest veski sýna þér aldrei lykilinn sjálfan. Í staðinn færðu endurheimtarorðEndurheimtarorðRöð 12 eða 24 orða sem allir lyklar veskisins eru reiknaðir út frá, svo hver sem hefur orðin getur endurheimt veskið og tekið rafmyntina., 12 eða 24 venjuleg orð sem lyklarnir eru reiknaðir út frá.
Af hverju skiptir hann máli?
Ef þú týnir einkalyklinum, og átt ekki endurheimtarorðin, getur enginn hjálpað þér að ná rafmyntinni aftur. Ef einhver annar kemst yfir lykilinn getur sá tekið allt sem er í veskinu, og færslan verður ekki afturkölluð.
Þess vegna:
- Deildu aldrei einkalyklinum eða endurheimtarorðunum með neinum. Engin traust þjónusta biður um þau.
- Geymdu þau á öruggum stað, helst ekki í síma eða tölvupósti.
Þegar þú geymir rafmynt hjá vörsluaðilaVörsluaðiliFyrirtæki sem geymir rafmynt og lyklana að henni fyrir hönd viðskiptavina, til dæmis rafmyntamiðlun með starfsleyfi., eins og rafmyntamiðlun, sér hann um lyklana fyrir þig. Ef þú ert með eigin vörsluEigin varslaÞegar þú geymir einkalyklana að rafmyntinni þinni í eigin veski, svo enginn annar ræður yfir henni en ábyrgðin á lyklunum er öll þín. er ábyrgðin þín.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.