Nautamarkaður (e. bull market) er tímabil þar sem verð hækkar að mestu leyti yfir langan tíma, oft mánuði eða ár. Fjárfestar eru bjartsýnir, fleiri vilja kaupa en selja og fjölmiðlar fjalla mikið um markaðinn. Andstæðan er bjarnarmarkaðurBjarnarmarkaðurTímabil þar sem verð á markaði lækkar lengi og svartsýni ríkir meðal fjárfesta., þegar verð lækkar.
Nafnið er gjarnan skýrt með því hvernig naut ræðst á: það stangar upp á við með hornunum.
Hvernig þekkist nautamarkaður?
Engin ein opinber skilgreining er til. Á hlutabréfamarkaði er oft miðað við að verð hafi hækkað um 20% eða meira frá síðasta lágpunkti. Á rafmyntamarkaði eru hækkanirnar yfirleitt miklu meiri og hraðari.
Á nautamarkaði slær verðið oft hvert sögulegt hámarkSögulegt hámark (ATH)Hæsta verð sem rafmynt eða önnur eign hefur nokkurn tíma náð. á fætur öðru. Nýtt fólk streymir inn á markaðinn og nýjar rafmyntir spretta upp. Verðið hækkar þó sjaldan í beinni línu. Snarpar lækkanir eru algengar, líka þegar heildarstefnan er upp á við.
Hvað ber að varast?
Á nautamarkaði er auðvelt að trúa því að verðið hækki endalaust. Margir kaupa vegna FOMOFOMOÓttinn við að missa af (e. fear of missing out), sem fær fólk til að kaupa í flýti þegar verð hækkar hratt, oft nálægt toppnum., óttans við að missa af, og kaupa þá oft nálægt toppnum. Enginn veit fyrirfram hvenær nautamarkaði lýkur.
Á rafmyntamarkaði hafa nautamarkaðir oft endað með mikilli lækkun. Góð regla er að leggja aldrei meira í rafmyntir en þú þolir að tapa, sama hvernig stemningin er.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.