51% árás (e. 51% attack) er árás á bálkakeðju þar sem einn aðili, eða samstilltur hópur, ræður yfir meira en helmingi allrar reiknigetuReiknigetaFjöldi ágiskana sem allar námuvinnslutölvur rafmyntanets gera á sekúndu, og mælikvarði á hve vel netið er varið gegn árásum. netsins. Þá getur árásaraðilinn fundið bálka hraðar en allir hinir samanlagt. Hann getur því búið til eigin útgáfu af keðjunni sem að lokum tekur við af þeirri sem hinir byggðu. Á netum sem nota proof of stake þyrfti hann í staðinn að ráða yfir meirihluta þess sem lagt er að veði.
Hvað getur árásaraðili gert?
- Tvíeytt eigin mynt. Hann getur til dæmis lagt rafmynt inn á rafmyntamiðlun, selt hana og tekið andvirðið út. Síðan birtir hann sína keðju, þar sem innborgunin átti sér aldrei stað. Þetta er tvíeyðslaTvíeyðslaÞegar sömu stafrænu peningunum er eytt tvisvar; vandinn sem Bitcoin leysti fyrst allra kerfa án banka eða annars milliliðar..
- Stöðvað færslur. Hann getur komið í veg fyrir að ákveðnar færslur komist í bálka.
- Útilokað aðra. Hann getur hunsað bálka annarra námuvinnsluaðila og hirt alla umbunina sjálfur.
Hvað getur hann ekki gert?
Í hvítbókHvítbókSkjal þar sem höfundar rafmyntar eða verkefnis lýsa hvernig það virkar, til hvers það er og hvaða reglur gilda um það. Bitcoin er bent á að jafnvel árangursrík árás hafi sín takmörk. Árásaraðilinn getur ekki:
- tekið rafmynt sem aldrei var hans, því hann hefur ekki einkalykla annarra
- búið til mynt úr engu eða breytt reglum netsins, því nóðurnar hafna ógildum bálkum
- breytt gömlum færslum fyrirhafnarlaust, því hver nýr bálkur ofan á færslu bætir við staðfestinguStaðfestingMælikvarði á hve örugglega færsla er skráð: hún fær eina staðfestingu þegar hún fer í bálk og eina til viðbótar með hverjum nýjum bálki. og eykur vinnuna sem þyrfti að endurtaka
Dæmi
Aldrei hefur tekist að gera 51% árás á Bitcoin. Til þess þyrfti meiri vélbúnað og rafmagn en allir aðrir námuvinnsluaðilar heims ráða yfir samanlagt.
Minni net sem nota proof of workProof of workSamstöðuaðferð þar sem rétturinn til að bæta næsta bálki við bálkakeðjuna fellur í hlut þess sem fyrstur leysir erfiða reikningsþraut. eru berskjaldaðri:
- Bitcoin Gold varð fyrir 51% árásum í maí 2018. Þær beindust að rafmyntamiðlunum og markmiðið var að tvíeyða innborgunum.
- Ethereum Classic varð fyrir 51% árás í janúar 2019 og þremur til viðbótar sumarið 2020. Þar voru milljónir dollara tvíeyddar.
Í kjölfarið kröfðust margar rafmyntamiðlanir miklu fleiri staðfestinga fyrir þessar myntir. Eftir árásirnar 2020 þurfti sums staðar að bíða í allt að tvær vikur eftir innborgun á Ethereum Classic.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.