Tvíeyðsla (e. double spending) er þegar sömu stafrænu peningunum er eytt oftar en einu sinni. Þetta var lengi helsti þröskuldurinn í vegi stafrænna peninga. Bitcoin var fyrsta kerfið sem leysti vandann án milliliðar.
Hver er vandinn?
Stafræn gögn er auðvelt að afrita. Þegar þú sendir ljósmynd í tölvupósti átt þú hana enn. Ef peningar væru bara skrá gæti eigandinn sent sömu skrána til tveggja viðtakenda. Með seðlum er þetta ekki hægt, því seðillinn fer úr vasanum þínum þegar þú borgar.
Hefðbundna lausnin er milliliður. Bankinn heldur bókhaldið og sér til þess að sömu krónunum sé ekki eytt tvisvar. Í hvítbókHvítbókSkjal þar sem höfundar rafmyntar eða verkefnis lýsa hvernig það virkar, til hvers það er og hvaða reglur gilda um það. Bitcoin bendir Satoshi Nakamoto á gallann við þetta: allt peningakerfið stendur og fellur með þeim sem rekur það, og allar færslur þurfa að fara í gegnum hann.
Hvernig leysti Bitcoin vandann?
Í hvítbókinni segir að eina leiðin til að vita að færsla hafi ekki átt sér stað sé að þekkja allar færslur. Bitcoin gerir einmitt það:
- Hver færsla er send út til allra nóðaNóðaTölva sem keyrir hugbúnað rafmyntanets, geymir afrit af bálkakeðjunni og athugar hvort nýjar færslur og bálkar standist reglurnar. netsins.
- Nóðurnar hafna færslu sem reynir að eyða mynt sem þegar hefur verið eytt.
- SamstöðuaðferðinSamstöðuaðferðReglurnar sem gera þúsundum tölva kleift að koma sér saman um eina útgáfu af bálkakeðjunni án þess að treysta neinum einum aðila., proof of workProof of workSamstöðuaðferð þar sem rétturinn til að bæta næsta bálki við bálkakeðjuna fellur í hlut þess sem fyrstur leysir erfiða reikningsþraut., ræður því í hvaða röð færslur eru skráðar. Ef tvær færslur reyna að eyða sömu myntinni gildir sú sem fyrst kemst í bálk.
Þannig kemur sameiginleg færsluskrá, sem allir geta sannreynt, í stað bankans.
Hvað er gott að vita?
Óstaðfest færsla er ekki fullkomlega örugg gegn tvíeyðslu. Sendandinn gæti reynt að senda sömu myntina annað með hærra gjaldi. Þess vegna bíða rafmyntamiðlanir og aðrir viðtakendur eftir nokkrum staðfestingumStaðfestingMælikvarði á hve örugglega færsla er skráð: hún fær eina staðfestingu þegar hún fer í bálk og eina til viðbótar með hverjum nýjum bálki. áður en þeir telja greiðslu komna. Eftir það er tvíeyðsla aðeins möguleg með 51% árás51% árásÁrás þar sem einn aðili ræður yfir meira en helmingi reiknigetu eða veðs á neti og getur þá endurskrifað nýlegar færslur., sem er afar dýr á stórum netum.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.