Leifturnetið

Hvernig virkar Leifturnetið?

Leifturnetið byggir á greiðslurásum (e. payment channels). Tveir aðilar læsa bitcoin í sameiginlega rás með einni færslu á Bitcoin-netinu. Eftir það geta þeir greitt hvor öðrum fram og til baka eins oft og þeir vilja, og aðeins staðan á milli þeirra breytist. Þegar rásinni er lokað er lokastaðan skráð á Bitcoin-netinu.

Þetta er svipað og að láta skrifa hjá sér á kaffihúsi. Hver kaffibolli er skrifaður hjá þér og þú gerir upp í einni greiðslu í lok mánaðar.

Greiðslur geta líka farið í gegnum rásir annarra. Þú þarft því ekki að opna rás við alla sem þú vilt borga.

Leifturnetið er dæmi um lag 2Lag 2 (layer 2)Kerfi sem byggt er ofan á bálkakeðju eins og Ethereum eða Bitcoin til að gera færslur hraðari og ódýrari en á grunnlaginu sjálfu. ofan á Bitcoin.

Hvað þarftu að vita?

• Hentar litlum greiðslum. Leifturnetið er hugsað fyrir daglegar greiðslur, til dæmis í verslunum eða á netinu, frekar en til að geyma sparnað.
• Annars konar greiðslubeiðni. Greitt er inn á Lightning-reikning (e. invoice), ekki á venjulegt Bitcoin-veskisfang. Bæði sendandi og móttakandi þurfa að styðja Leifturnetið.
• Yfirleitt heitt veski. Lightning-veski þurfa yfirleitt að vera nettengd og eru því heit veskiHeitt veskiRafmyntaveski á nettengdu tæki, eins og síma eða tölvu, sem er þægilegt í daglegri notkun en berskjaldaðra fyrir árásum., með þeirri áhættu sem því fylgir.