Satoshi er minnsta eining BitcoinBitcoinFyrsta og stærsta rafmyntin, stafrænn gjaldmiðill sem enginn einn aðili stjórnar og takmarkast við 21 milljón bitcoin.. Eitt bitcoin skiptist í 100 milljónir satoshi, svipað og krónan skiptist áður í 100 aura. Einingin heitir í höfuðið á Satoshi NakamotoSatoshi NakamotoDulnefni höfundar Bitcoin, sem birti hvítbók sína árið 2008, kom netinu af stað árið 2009 og hvarf af sjónarsviðinu skömmu síðar., höfundi Bitcoin. Í daglegu tali er oft talað um „sats“.
Af hverju skipta satoshi máli?
Fáir kaupa heilt bitcoin. Flestir kaupa brot úr einu bitcoin, og þá er oft þægilegra að tala um satoshi en langa röð af núllum.
Dæmi: Ef eitt bitcoin kostar 10 milljónir króna er eitt satoshi 0,1 krónu virði. Fyrir 10.000 krónur fengir þú þá 100.000 satoshi, eða 0,001 bitcoin.
Hvar sérðu satoshi?
- Færslugjöld á Bitcoin-netinu eru gefin upp í satoshi á hvert sýndarbæti (sat/vB), því færslugjaldiðFærslugjaldGjald sem greitt er rafmyntaneti fyrir að taka færslu með í bálk, en ekki banka eða fyrirtæki. fer eftir stærð færslunnar en ekki upphæðinni.
- Smágreiðslur á LeifturnetinuLeifturnetiðGreiðslunet ofan á Bitcoin-netinu sem gerir bitcoin-greiðslur nær samstundis og ódýrar, án þess að hver greiðsla fari í bálkakeðjuna. eru yfirleitt verðlagðar í satoshi.
- Veski og öpp bjóða mörg upp á að sýna innstæðuna í satoshi í stað bitcoin.
Allt í Bitcoin-kerfinu er á endanum talið í heilum satoshi. Á sjálfri bálkakeðjunni er ekki hægt að senda minna en eitt satoshi.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.