Veskisfang (e. wallet address) er runa af bókstöfum og tölustöfum sem segir hvert á að senda rafmynt. Það er búið til út frá dreifilyklinumDreifilykillOpinber lykill, reiknaður út frá einkalyklinum, sem óhætt er að deila og aðrir nota til að staðfesta undirskriftir þínar. þínum og óhætt er að gefa það upp. Veskisfang virkar eins og reikningsnúmer: fólk þarf það til að greiða þér, en getur ekki tekið neitt út með því.
Hvernig lítur veskisfang út?
Hvert netkerfiNetkerfiBálkakeðjan sem rafmynt eða tóki er skráð á og send um, til dæmis Bitcoin-netið eða Ethereum-netið. hefur sitt snið. Bitcoin-veskisföng byrja oftast á bc1, 1 eða 3. Ethereum-veskisföng byrja á 0x og eru 42 stafir.
Veski getur búið til mörg veskisföng og margir nota nýtt fang fyrir hverja greiðslu. Allar færslurFærslaSkráning á því að rafmynt flyst af einu veskisfangi á annað, undirrituð með einkalykli sendandans og geymd varanlega í bálkakeðjunni. á veskisfang eru opinberar og hver sem er getur skoðað þær í bálkakönnuðiBálkakönnuðurVefsíða þar sem hver sem er getur flett upp færslum, veskisföngum og bálkum á bálkakeðju..
Hvað þarf að varast?
Rafmyntafærslu er ekki hægt að afturkalla. Ef þú sendir á rangt veskisfang færðu rafmyntina yfirleitt ekki til baka. Þess vegna:
- Afritaðu og límdu veskisfangið. Sláðu það aldrei inn handvirkt.
- Berðu saman allt fangið, ekki bara fyrstu og síðustu stafina. Svikahrappar búa til föng sem líkjast þínum og senda smáupphæðir í veskið þitt, í von um að þú afritir rangt fang úr færslusögunni. Á ensku kallast þetta address poisoning.
- Notaðu rétt netkerfi. Sama veskisfang getur gilt á fleiri en einu netkerfi. Ef þú sendir á röngu netkerfi getur rafmyntin glatast.
- Sendu fyrst litla prufuupphæð þegar þú sendir háa upphæð á nýtt fang.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.