Að selja rafmynt og fá krónur

Hvernig virkar sala á rafmynt?

Sala er í raun kaup í öfuga átt. Þú skiptir rafmyntinni í peninga og peningarnir eru svo greiddir inn á bankareikning.

Skrefin eru yfirleitt þessi:

1. Rafmyntin þarf að vera hjá þjónustunni. Ef hún er í eigin vörsluEigin varslaÞegar þú geymir einkalyklana að rafmyntinni þinni í eigin veski, svo enginn annar ræður yfir henni en ábyrgðin á lyklunum er öll þín. sendir þú hana fyrst á veskisfangVeskisfangRuna af bókstöfum og tölustöfum sem þú gefur upp til að taka á móti rafmynt, svipað og reikningsnúmer í banka. þjónustunnar. Gættu þess að velja rétt netkerfiNetkerfiBálkakeðjan sem rafmynt eða tóki er skráð á og send um, til dæmis Bitcoin-netið eða Ethereum-netið., annars getur rafmyntin glatast.
2. Þú selur. Þú velur hve mikið þú vilt selja, skoðar verðið og staðfestir.
3. Þú tekur út. Andvirðið er greitt inn á bankareikning, oft eftir að þú biður sérstaklega um úttekt.

Nánar er fjallað um fyrsta skrefið í greininni Hvernig sendi ég rafmynt í annað veski?

Hvað hefur áhrif á verðið sem þú færð?

Verðbilið

Þegar þú selur færðu yfirleitt aðeins minna en markaðsverðið. Munurinn kallast verðbilVerðbilMunurinn á kaupverði og söluverði sömu eignar á sama tíma, oft notaður sem gjald í viðskiptum með rafmyntir. (e. spread) og rennur til þjónustunnar. Ef þú keyptir á sama stað hefur þú greitt verðbilið tvisvar, við kaupin og við söluna. Öll gjöldin eru útskýrð í greininni Hvað kostar að kaupa rafmynt?

Tímasetningin

Verð rafmynta breytist allan sólarhringinn, alla daga ársins. Enginn getur sagt fyrir um hvenær verðið verður hæst. Nokkur atriði er þó gott að hafa í huga:

• Í miklum sveiflumSveiflurMælikvarði á hve mikið og hve hratt verð eignar hækkar og lækkar. getur verðið breyst hratt. Skoðaðu verðið sem þú færð áður en þú staðfestir söluna.
• Stór sala á litlum markaði getur ýtt verðinu niður. Ef fáir kaupendur eru á markaðnum, það er að segja ef seljanleikiSeljanleikiHve auðvelt er að kaupa eða selja eign fljótt á sanngjörnu verði, án þess að viðskiptin hreyfi verðið mikið. er lítill, getur verðið lækkað á meðan salan fer fram.
• Ákvarðanir sem teknar eru í uppnámi eru sjaldan góðar. Algengt er að fólk selji í óðagoti þegar verð fellur, eða haldi of lengi í eignina af ótta við að missa af frekari hækkun (FOMOFOMOÓttinn við að missa af (e. fear of missing out), sem fær fólk til að kaupa í flýti þegar verð hækkar hratt, oft nálægt toppnum.).

Ein leið er að ákveða fyrir fram við hvaða aðstæður þú ætlar að selja, eða selja í nokkrum áföngum frekar en allt í einu. Það tryggir ekki betra verð, en dregur úr líkunum á að ein slæm tímasetning ráði öllu.

Að fá peningana inn á íslenskan bankareikning

Þegar þjónustan greiðir út í krónum

Ef þjónustan greiðir út í krónum inn á íslenskan reikning er leiðin stutt. Engin erlend millifærsla kemur við sögu og bankinn þinn þarf ekki að skipta gjaldeyri.

Þegar þjónustan er erlend

Erlendar kauphallir greiða yfirleitt út í evrum eða Bandaríkjadölum. Peningarnir berast þá með erlendri millifærslu og bankinn þinn skiptir þeim í krónur á sínu gengi. Það getur kostað gjöld bæði hjá þjónustunni og bankanum og tekið lengri tíma.

Bankar þurfa líka að sinna peningaþvættisvörnumPeningaþvættisvarnir (AML)Reglur og aðgerðir sem eiga að hindra að fjármálakerfið, þar með talið rafmyntir, sé notað til peningaþvættis eða fjármögnunar hryðjuverka.. Þeir geta því beðið um upplýsingar um uppruna fjármuna, til dæmis þegar háar upphæðir berast frá útlöndum. Gott er að hafa kvittanir og yfirlit við höndina.

Þegar þú selur beint til einstaklings

Stundum selur fólk rafmynt beint til annarra einstaklinga, til dæmis eftir auglýsingu á netinu. Því fylgir áhætta. Svikahrappar nota til dæmis falsaðar kvittanir fyrir millifærslum eða greiða með peningum sem reynast stolnir. Færslur á bálkakeðjunni verða ekki afturkallaðar, svo þegar rafmyntin er farin situr þú uppi með tapið. Lestu um algeng rafmyntasvik.

Svona virkar sala hjá Myntkaupum

Hjá Myntkaupum fer salan fram í tveimur skrefum, í appinu eða á vefnum:

1. Þú selur rafmyntina fyrir USDC. USDCUSDCStöðugleikamynt frá bandaríska fyrirtækinu Circle sem fylgir Bandaríkjadal, þannig að eitt USDC á alltaf að vera um eins dollara virði. er grunngjaldmiðill reikningsins, stöðugleikamyntStöðugleikamyntRafmynt sem er hönnuð til að halda stöðugu verði, oftast með því að fylgja gengi Bandaríkjadals eða annars gjaldmiðils. sem er hönnuð til að fylgja virði Bandaríkjadals. Á sölunni er 1,99% verðbil, sem er innifalið í verðinu sem þú sérð áður en þú staðfestir.
2. Þú tekur út á íslenskan bankareikning. USDC er umreiknað í krónur á almennu kaupgengi Arion banka, án álags. Fyrir hverja bankaúttekt er tekið fast 7 USDC gjald.

Bankaúttektir eru afgreiddar alla daga og berast yfirleitt samdægurs, oft innan nokkurra klukkustunda. Um helgar og á frídögum er notað gengi Arion banka frá síðasta bankadegi. Hver úttekt er staðfest með PIN-númeri í appinu og í tölvupósti, og óvenju stórar úttektir geta kallað á handvirka öryggisathugun áður en fjármunir eru sendir.

Dæmi með tilbúnum tölum: Þú selur rafmynt að markaðsvirði 1.000 USDC. Eftir 1,99% verðbil færðu 980,10 USDC. Þú tekur allt út og að frádregnu 7 USDC gjaldi eru 973,10 USDC umreiknuð í krónur. Ef kaupgengi Arion banka á Bandaríkjadal væri 130 krónur fengir þú um 126.500 krónur inn á reikninginn.

Þú þarft ekki að taka út strax. Þú getur geymt USDC-inneignina eða notað hana til að kaupa aftur. Hafðu þó í huga að USDC fylgir Bandaríkjadal, svo krónuvirði inneignarinnar breytist með gengi krónunnar. Lestu meira um stöðugleikamyntir.

Ef þú átt studda rafmynt í öðru veski getur þú líka lagt hana inn hjá Myntkaupum og selt hana þar. Innborgun á rafmynt er ókeypis. Leiðbeiningar um úttekt skref fyrir skref eru í hjálparmiðstöð Myntkaupa↗ og öll gjöld á síðunni Kostnaður við kaup og sölu rafmynta.

Haltu utan um kaup og sölur

Skráðu hver kaup og hverja sölu: dagsetningu, magn, verð í krónum og gjöld. Þessar upplýsingar þarftu til að reikna út hagnað eða tap og til að svara spurningum bankans eða Skattsins ef þær koma upp.

Hjá Myntkaupum getur þú sótt færslusögu og árslokayfirlit sem CSV- eða PDF-skrá í vefappinu, undir Færslur, eða beðið um þau í tölvupósti. Hjá erlendum þjónustum er gott að sækja yfirlit reglulega, því aðgangur getur lokast eða þjónustan hætt starfsemi.

Ef þú hefur flutt rafmynt á milli þjónusta og veskja skaltu halda utan um hvaðan hún kom og hvað hún kostaði upphaflega. Annars getur reynst erfitt að sýna fram á kaupverðið þegar þú selur.

Söluhagnaður getur verið skattskyldur

Ef þú selur rafmynt á hærra verði en þú keyptir hana á, myndast söluhagnaðurSöluhagnaðurHagnaður af sölu eignar á hærra verði en hún kostaði þig; hjá einstaklingum er hagnaður af rafmynt skattlagður sem fjármagnstekjur. sem getur verið skattskyldur. Reglurnar eru útskýrðar í greininni Rafmyntir og skattar á Íslandi og á vef Skattsins↗. Ræddu við endurskoðanda eða Skattinn um þína stöðu.

Lokaorð

Að selja rafmynt fyrir krónur snýst um verðið sem þú færð, gjöldin á leiðinni og hvernig peningarnir komast inn á reikninginn þinn. Þjónusta sem greiðir út í krónum á íslenskan reikning sparar þér erlendar millifærslur og gjaldeyrisskipti.

Hafðu kvittanirnar í lagi frá fyrsta degi og mundu að hagnaður getur verið skattskyldur. Taktu ákvörðun um sölu í ró og næði, ekki í hita leiksins.