Hvað er Chainlink?

Hverjir standa að Chainlink?

Sergey Nazarov og Steve Ellis stofnuðu Chainlink í september 2017, þegar hvítbók verkefnisins kom út. Dulritunarfræðingurinn Ari Juels var meðal höfunda hennar. Netið fór í gang á Ethereum 30. maí 2019, og fyrirtækið Chainlink Labs vinnur að þróun þess.

Til hvers er Chainlink notað?

Véfréttir tengja keðjuna við umheiminn

Bálkakeðjur eru hannaðar til að vera lokaðar. Það gerir þær öruggar, en snjallsamningur getur hvorki lesið vefsíðu né sótt gögn úr öðrum kerfum. Hugsaðu þér nákvæman bókara í gluggalausu herbergi: hann reiknar allt rétt en veit ekkert um umheiminn nema einhver færi honum upplýsingar.

Véfrétt færir snjallsamningnum þessar upplýsingar. Hjá Chainlink sjá dreifstýrð véfréttanet (e. decentralized oracle networks, DON) um verkið. Hvert þeirra samanstendur af mörgum óháðum rekstraraðilum nóðaNóðaTölva sem keyrir hugbúnað rafmyntanets, geymir afrit af bálkakeðjunni og athugar hvort nýjar færslur og bálkar standist reglurnar. sem sækja gögn frá mörgum gagnaveitum. Ein röng heimild eða ein óheiðarleg nóða ræður því ekki niðurstöðunni.

Gott dæmi eru verðveitur (e. price feeds). Lánaforrit eins og Aave þarf sífellt að vita hvers virði veðiðVeðEign sem lögð er fram til tryggingar fyrir láni. Í DeFi þarf veðið yfirleitt að vera meira virði en lánið. er, svo það geti gripið til þvingaðrar söluÞvinguð salaÞegar veð er selt sjálfkrafa upp í skuld, eða skuldsettri stöðu lokað, af því að veðið eða tryggingin dugar ekki lengur. ef veðið dugar ekki lengur. Aave fær slík verð frá Chainlink.

CCIP tengir bálkakeðjur saman

CCIP (e. Cross-Chain Interoperability Protocol) er staðall Chainlink fyrir samskipti á milli bálkakeðja. Með honum er hægt að flytja tóka á milli keðja og senda skilaboð sem setja af stað snjallsamninga á annarri keðju. Opnað var fyrir almenna notkun CCIP í apríl 2024.

Hefðbundnar fjármálastofnanir hafa líka prófað CCIP. Árið 2023 gerði Swift, sem rekur alþjóðlegt greiðslunet banka, tilraun ásamt meira en tug fjármálastofnana. Þar tengdi CCIP net Swift við bálkakeðjur, svo hægt væri að flytja táknvæddar eignir á milli þeirra. Þetta tengist táknvæðinguTáknvæðing (RWA)Þegar eign utan bálkakeðjunnar, til dæmis ríkisskuldabréf, gull eða fasteign, er gefin út sem tóki sem hægt er að eiga og senda á bálkakeðju., því að skrá hefðbundnar eignir sem tóka á bálkakeðju.

Hlutverk LINK

• Greiðsla fyrir þjónustu. Þeir sem nota véfréttir Chainlink greiða fyrir þær með LINK, og rekstraraðilar nóða fá greitt í LINK.
• Staking. Rekstraraðilar nóða og aðrir eigendur LINK geta lagt LINK að veði í StakingStakingAð leggja rafmynt að veði á neti sem notar proof of stake, til að taka þátt í að staðfesta færslur gegn umbun í sömu rafmynt.. Ef ákveðin véfréttanet standast ekki fyrirfram settar kröfur getur hluti veðsins tapast, sem kallast SlashingSlashingRefsing á netum sem nota proof of stake. Staðfestingaraðili sem brýtur reglurnar missir hluta af veðinu sínu og er vikið af netinu..

Hvernig virkar Chainlink?

Ekki eigin bálkakeðja

Chainlink er ekki bálkakeðja og hefur enga eigin samstöðuaðferðSamstöðuaðferðReglurnar sem gera þúsundum tölva kleift að koma sér saman um eina útgáfu af bálkakeðjunni án þess að treysta neinum einum aðila. fyrir færslur. Netið er safn margra véfréttaneta sem þjóna ólíkum bálkakeðjum. LINK sjálft er ERC-20ERC-20Staðall fyrir tóka á Ethereum-netinu sem gerir öllum veskjum og þjónustum kleift að taka við þeim og senda þá á sama hátt.-tóki á Ethereum, nánar tiltekið ERC-677, sem er viðbót við ERC-20.

Þegar þú sendir LINK ertu því að senda færslu á Ethereum-netinu. Ethereum staðfestir hana með proof of stake og gjaldið, GasGasMælieining á Ethereum-netinu fyrir þá reiknivinnu sem færsla eða snjallsamningur krefst, og ræður því hve hátt færslugjaldið verður., er greitt í ether. Hraði og kostnaður fara eftir álaginu á Ethereum hverju sinni.

Framboð

Alls er til 1 milljarður LINK og fleiri verða ekki til. Það er heildarframboðHeildarframboðFjöldi eininga rafmyntar sem eru þegar til, hvort sem þær eru komnar í umferð eða eru enn læstar, að frádregnum þeim sem hefur verið eytt. LINK. Ekki eru öll LINK komin í umferð, og samkvæmt Chainlink losna nú um 7% af heildarframboðinu á ári.

Hver er áhættan?

• Háð DeFi. Stór hluti af notkun Chainlink kemur frá DeFi. Ef umsvif þar dragast saman getur eftirspurn eftir þjónustunni minnkað, og meiri notkun netsins skilar sér heldur ekki sjálfkrafa í eftirspurn eftir LINK.
• Véfréttir geta brugðist. Ef véfrétt skilar röngu verði bregðast snjallsamningar við því, til dæmis með þvingaðri sölu lána. Dreifstýrð véfréttanet draga úr hættunni en eyða henni ekki.
• Nýtt framboð. Ný LINK bætast í umferð á hverju ári.
• Verðsveiflur. Verð LINK sveiflastSveiflurMælikvarði á hve mikið og hve hratt verð eignar hækkar og lækkar. mikið, eins og verð annarra rafmynta.

LINK hjá Myntkaupum

Hjá Myntkaupum getur þú keypt, selt og geymt LINK. Þú getur líka lagt LINK inn og tekið það út á bálkakeðju, og þá er það sent á Ethereum-netinu sem ERC-20-tóki.

LINK er líka til á öðrum netkerfum, til dæmis Arbitrum, Base og BNB Chain, og veskisföng á þeim líta eins út og á Ethereum. Gættu þess því að velja Ethereum-netið, því sending á röngu netkerfiNetkerfiBálkakeðjan sem rafmynt eða tóki er skráð á og send um, til dæmis Bitcoin-netið eða Ethereum-netið. getur glatast. Ef þú sendir LINK úr eigin veski þarftu líka að eiga svolítið ether fyrir gasinu. Lestu nánar um þetta í greininni Hvernig sendi ég rafmynt í annað veski?

Verð LINK sérðu á verðsíðu LINK.

Lokaorð

Chainlink er net véfrétta sem færa gögn utan frá inn í snjallsamninga og tengja bálkakeðjur saman með CCIP. Margir líta á slíka tengingu sem forsendu þess að DeFi og táknvæðing virki, og LINK er greiðslumiðill netsins.

Notkun netsins ræðst þó að miklu leyti af DeFi, og verð LINK sveiflast mikið. Kynntu þér áhættuna áður en þú kaupir.