NFT (e. non-fungible token) er einstakur tókiTókiStafræn eign sem er búin til með snjallsamningi á bálkakeðju annarrar rafmyntar, í stað þess að hafa eigin bálkakeðju. á bálkakeðju. Eitt bitcoin er nákvæmlega jafngilt öðru, en hvert NFT er einstakt og ekki hægt að skipta því út fyrir annað.
Hvernig virkar NFT?
NFT er skráð í snjallsamningiSnjallsamningurForrit á bálkakeðju sem keyrir sjálfkrafa þegar tiltekin skilyrði eru uppfyllt og gerir nákvæmlega það sem það var forritað til að gera., til dæmis samkvæmt staðlinum ERC-721 á Ethereum-netinu. Samningurinn skráir hver á hvert NFT og hver sem er getur staðfest það á bálkakeðjunni.
Munurinn er sá sami og á peningaseðlum og tónleikamiðum með sætanúmeri. Tveir þúsundkallar eru jafngildir, en miði í sæti 12 er ekki það sama og miði í sæti 40.
NFT geta til dæmis táknað:
- stafræna list og safngripi
- hluti í tölvuleikjum
- aðgöngumiða að viðburðum
- lén, til dæmis í Ethereum Name Service
Hvað þarftu að vita?
- Tóki er ekki höfundarréttur. Að eiga NFT þýðir ekki sjálfkrafa að þú eigir réttinn að verkinu. Það fer eftir skilmálunum sem fylgja.
- Myndin er oft geymd annars staðar. Á bálkakeðjunni er oft aðeins tilvísun í skrána. Ef vefurinn sem hýsir hana hættir getur skráin horfið.
- Verðið er óvíst. Verð NFT getur sveiflast mikið og erfitt getur verið að finna kaupanda.
- Svik eru algeng. Flest öryggisvandamál tengd NFT stafa af vefveiðumVefveiðarSvik þar sem svikahrappar þykjast vera traust fyrirtæki eða stofnun til að fá þig til að gefa upp lykilorð, kortaupplýsingar eða endurheimtarorð..
NFT sem eru einstök og ekki skiptanleg falla utan MiCAMiCAReglugerð ESB um markaði fyrir sýndareignir, sem gildir á Íslandi frá 1. janúar 2026 og setur sömu reglur um rafmyntaþjónustu um allt EES., svo sú neytendavernd sem MiCA veitir nær ekki til þeirra.
Ritstjórn Myntkaupa skrifar allt efni Rafmyntaskólans og yfirfer það reglulega. Efnið er til fræðslu og er ekki fjárfestingarráðgjöf. Ritstjórnarstefna. Uppfært 18. október 2026.