Áreiðanleikakönnun (KYC)

Hvað felst í áreiðanleikakönnun?

Samkvæmt lögunum þarf fyrirtækið meðal annars að:

• staðfesta hver þú ert með viðurkenndum persónuskilríkjum
• afla upplýsinga um raunverulegan eigandaRaunverulegur eigandiEinstaklingurinn sem í raun á eða stjórnar fyrirtæki, til dæmis með meira en 25% hlut, beint eða í gegnum önnur félög., þegar viðskiptavinurinn er fyrirtæki
• meta tilgang og eðli viðskiptanna
• hafa reglubundið eftirlit með viðskiptasambandinu og uppfæra upplýsingarnar
• staðfesta, eftir því sem við á, uppruna fjármunanna

Fyrirtækið þarf líka að kanna hvort viðskiptavinur sé í áhættuhópi vegna stjórnmálalegra tengsla. Ef ekki tekst að ljúka áreiðanleikakönnun er fyrirtækinu óheimilt að eiga viðskipti við viðkomandi.

Á Íslandi er algengt að auðkenning fari fram með rafrænum skilríkjum. Hjá Myntkaupum fer nýskráning til dæmis fram með rafrænum skilríkjum eða Auðkennisappinu.

Af hverju er þetta gert?

Tilgangurinn er að gera glæpamönnum erfitt fyrir að nota fjármálakerfið, og þar með rafmyntir, til að fela uppruna peninga. Áreiðanleikakönnun er hluti af peningaþvættisvörnumPeningaþvættisvarnir (AML)Reglur og aðgerðir sem eiga að hindra að fjármálakerfið, þar með talið rafmyntir, sé notað til peningaþvættis eða fjármögnunar hryðjuverka..

Góð þumalputtaregla: lögleg þjónusta biður um persónuskilríki, en aldrei um einkalykilinnEinkalykillLeynileg tala sem sannar að þú eigir rafmyntina í veskinu þínu. Sá sem hefur einkalykilinn ræður yfir rafmyntinni. þinn eða endurheimtarorðinEndurheimtarorðRöð 12 eða 24 orða sem allir lyklar veskisins eru reiknaðir út frá, svo hver sem hefur orðin getur endurheimt veskið og tekið rafmyntina.. Ef einhver biður um þau er það vefveiðarVefveiðarSvik þar sem svikahrappar þykjast vera traust fyrirtæki eða stofnun til að fá þig til að gefa upp lykilorð, kortaupplýsingar eða endurheimtarorð. eða önnur svik.